إبراهيم عكاشة يكتب: الإسلامو سرسج

دخلت ما تسمى بالصحوة الإسلامية (الوهابية) مصر، ودخلت معها الدونية وجملة “لو لقيت واحد فقير يبقى فيه واحد غني أكل رزقه”.

ومن ساعتها واحنا مسوخ..

لا حد راضي ولا حد بقى معتز بأصله ولا بوطنه.

الإسلامو سرسرج اللي لعب على طبقة البسطاء وعرف من أين تؤكل الكتف.

عصر شرايط كاسيت محمد حسان واللي شبهه أكلت البلد.

الدولة قضت على حاملي السلاح مش على الإرهاب..

الإرهاب في عقل وفكر أغلب المصريين.

كفاية اللي حصل لمنتقدي الشعراوي.. اتبهدلوا واتهددوا في بيوتهم.

كفاية تشوف التعليقات على بوست بيشكر في الدكتور مجدي يعقوب.

كفاية كمية صفحات الكوميكس اللي بتلم ريتش وتفاعل عالمي لما تشتم واحدة مش محجبة.

وهنروح بعيد ليه؟!.. فقط تابعوا التعليقات كمان شوية هنا وانتو تفهموا قصدي.

انتو مش واخدين بالكم من الكمين اللي احنا فيه من التمانينات ولا ايه؟!

احنا محتاجين شغل ٥٠ سنة علشان نعالج المجتمع دا، على شرط نبتدي امبارح.. وللأسف مفيش أي علامة

أو إشارة بتقول اننا ابتدينا أو ناويين حتى نبتدي.

المبدأ أهي ماشية ما تلعبش فيها.

الحقيقة إنها ماشية فعلاً.. بس للخلف.