السيسي: نعلن الحداد الرسمي على وفاة المشير طنطاوي .. وهذا الرجل بريء من أي دم
خلال افتتاح بعض المشروعات القومية اليوم، وبعد إعلان وفاة المشير محمد طنطاوي، قدم الرئيس السيسي خالص التعازي لمصر في وفاة المغفور له، واعلن الحداد الرسمي في الدولة.
وبدأ الرئيس في سرد بطولات وسيرة المشير طنطاوي خاصة مابعد ثورة يناير، قائلا:
“المشير قاد هذه المرحلة باخلاص شديد وتفاني شديد وحكمة شديدة جدا، كان له كلمة صعبة دايما يقولها اثناء الفترة دي، انا ماسك جمرة نار في ايدي بتولع ايديا ومش قادر اسيبها لو سبتها هتحرق الدنيا”
ثم أكمل واصفا البطل الراحل انه كان متفانيا في خدمة وطنه :
” هذا الرجل بريء من أي دم، احداث محمد محمود، احداث استاد بورسعيد، مجلس الوزراء او المجمع او ماسبيرو، اي حاجة من الحاجات اللي تمت في الفترة دي من تآمر لاسقط الدولة والله هو بريء منها وكل من كان موجود من المسؤولين برضه بريئين منها بشكل مباشر او غير مباشر عشان بس تبقى الأمور واضحة ”
واستطرد حديثه عن البطل: ” احنا كنا ممكن نأجل افتتاح المشروع النهاردة، بس المشير كان طول عمره رجل يحب العمل ويقدسه”
واعلن الرئيس السيسي اطلاق اسم المشير طنطاوي على قاعدة الهايكستب العسكرية .
