إبراهيم عكاشة يكتب: شبكة الطرق المهضوم حقها

خبر صعود مصر للمركز ال١٨ في جودة الطرق، خبر عظيم ومهم.

بس كالعادة إعلامنا ذكره كمجرد خبر وتباهى بيه شوية وخلاص على كدا.

الحقيقة إن الموضوع اعمق من كدا بكتير.

زمان قالوا اذا أردت صنع حضارة فعليك بمد طريق.

الطرق من قديم الأزل هي أصل اي حضارة وتنمية.

الطرق مفتاح الحياة والاستثمار والفلوس.

فايدة الطرق دي مش علشان احنا نتنقل بسهولة (وان كان دا أحد أهدافها طبعا).

الطرق هي مفتاح الصناعة والتجارة والسياحة والتنمية.

الاتحاد الأوروبي لما عمل طرق توصل لكل حتة فيه اتغير حالة ١٨٠ درجة.

أي دولة بتسعى لتنمية وانطلاق، أول حاجة لازم تعملها الطرق.. قبل حتى الصحة والتعليم.

الصين لغاية النهاردة داخلة في تحدي الطرق لأنها عارفة فايدتها وانها مش هتبقى دولة عظمى من غير الطرق.

مصر داخلة في تحدي طرق تاني من نوع آخر كمان.. مد الطرق منها وإليها في إفريقيا كلها.

دي أعظم حاجة مصر بتعملها دلوقتي من أيام الفراعنة.

مبروك لمصر نجاحها في أكبر تحدياتها، والباقي أسهل.

ليت باقي الملفات بكفاءة ملف شبكة الطرق.